വിദ്യാർത്ഥികൾക്ക് അവധിക്കാല കോഴ്സുകൾ
ഹയര്‍ സെക്കണ്ടറി വിദ്യാര്‍ഥികൾക്ക് സിവില്‍ സര്‍വീസ് പരിശീലന ക്ലാസ്സുകൾ
കേരള സ്റ്റേറ്റ് സിവില്‍ സര്‍വീസ് അക്കാദമിയുടെ കല്യാശ്ശേരി സെന്ററില്‍ ഹൈസ്‌കൂള്‍, ഹയര്‍ സെക്കണ്ടറി വിദ്യാര്‍ഥികള്‍ക്കായി അവധിക്കാല സിവില്‍ സര്‍വീസ് പരിശീലന ക്ലാസുകളിലേക്ക് അപേക്ഷ ക്ഷണിച്ചു. ഏപ്രില്‍ 15 മുതല്‍ ഒരു മാസത്തേക്കാണ് പരിശീലനം. തിങ്കള്‍ മുതല്‍ വെള്ളി വരെ രാവിലെ 10 മുതല്‍ ഉച്ചക്ക് ഒരു മണി വരെയാണ് ക്ലാസ്. വരുന്ന അധ്യയന വര്‍ഷം എട്ടാം ക്ലാസില്‍ പ്രവേശനം നേടുന്നവര്‍ക്കും അപേക്ഷിക്കാം. മാര്‍ച്ച് 27 മുതല്‍ www.kscsa.org വഴി ഓണ്‍ലൈനായാണ് അപേക്ഷിക്കേണ്ടത്. ഫോണ്‍: 8281098875.
അവധിക്കാല കംമ്പ്യൂട്ടർ കോഴ്സുകൾ
കൊല്ലം കെല്‍ട്രോണ്‍ നോളജ്സെന്ററില്‍ മൂന്ന് മുതല്‍ 10 ാം ക്ലാസുവരെയുള്ള കുട്ടികള്‍ക്കായി അവധിക്കാലകമ്പ്യൂട്ടര്‍ കോഴ്സുകള്‍ ആരംഭിക്കും. വിവരങ്ങള്‍ക്ക് ഹെഡ്ഓഫ്സെന്റര്‍, കെല്‍ട്രോണ്‍ നോളജ്സെന്റര്‍, ടൗണ്‍ അതിര്‍ത്തി, കൊല്ലം ഫോണ്‍ : 0474-2731061.
സംസ്ഥാന സർക്കാർ സ്ഥാപനമായ എൽ.ബി.എസിന്റെ പാമ്പാടി ഉപകേന്ദ്രത്തിൽ ഏപ്രിൽ മൂന്നിന് ആരംഭിക്കുന്ന ഡാറ്റാ എൻട്രി ആൻഡ് ഓഫീസ് ഓട്ടോമേഷൻ, വെബ് ഡിസൈൻ, ഫോട്ടോ ഷോപ്പ്, പൈതൺ, പ്രോഗ്രാമിങ്, ടാലി, എന്നീ അവധിക്കാല കോഴ്‌സുകളിലേക്ക് ഇപ്പോൾ അപേക്ഷിക്കാം. ഹൈസ്‌കൂൾ വിദ്യാർത്ഥികൾക്കും, എസ്.എസ്.എൽ.സി /പ്ലസ്ടു/ ഡിഗ്രിഫലം കാത്തിരിക്കുന്നവർക്കുമാണ് അവസരം . www.lbscentre.kerala.gov.in വഴി അപേക്ഷിക്കാം. ഫോൺ: 0481 2505900, 9895041706
സ്‌പോർട്‌സ് കൗൺസിൽ അവധിക്കാല പരിശീലനം
കോട്ടയം ജില്ലാ സ്‌പോർട്‌സ് കൗൺസിലിന്റെ ആഭിമുഖ്യത്തിൽ ബാസ്‌ക്കറ്റ്‌ബോൾ വോളിബോൾ കബഡി എന്നീ കായികയിനങ്ങളിൽ കോട്ടയം ഇൻഡോർ സ്റ്റേഡിയത്തിൽ 2024 ഏപ്രിൽ 2 മുതൽ മേയ് 30 വരെ അവധിക്കാല പരിശീലനം സംഘടിപ്പിക്കും. സംസ്ഥാന സ്‌പോർട്‌സ് കൗൺസിൽ പരിശീലകർ ക്യാമ്പിന് നേതൃത്വം നൽകും. പങ്കെടുക്കാൻ ആഗ്രഹിക്കുന്ന കുട്ടികൾ മാർച്ച് 30ന് മുൻപായി ജില്ലാ സ്‌പോർട്‌സ് കൗൺസിലിൽ പേര് രജിസ്റ്റർ ചെയ്യണം. ഫോൺ 8547575248
#vacation courses #civilservice coaching #sports #webdesign #photoshop #python #tally #graphicdesign #keltron #dataentry #office automation
