കുട്ടി ശാസ്ത്രജ്ഞർക്ക് വേണ്ടി യുവിക’24
ഐ.എസ്.ആർ.ഒ യുവിക 2024 യങ് സയന്റിസ്റ്റ് പ്രോഗ്രാമിന് ഇപ്പോൾ അപേക്ഷിക്കാം. യുവതലമുറക്ക് ശാസ്ത്രീയ ഗവേഷണത്തിൽ താൽപ്പര്യം വളർത്തുകയും അവരെ ബഹിരാകാശ ഗവേഷണത്തിന്റെ ലോകത്തേക്ക് പരിചയപ്പെടുത്തുകയും ചെയ്യുക എന്ന ലക്ഷ്യത്തോടെ രൂപകൽപ്പന ചെയ്തിരിക്കുന്ന ക്യാമ്പാണ് യുവിക യങ് സയന്റിസ്റ് പ്രോഗ്രാം.
തിരുവനന്തപുരം, അഹമ്മദാബാദ്, ബംഗളുരു, ഷില്ലോങ് എന്നീ ഐ.എസ്.ആർ.ഒ സെന്ററുകളിലാണ് ക്യാമ്പ് നടത്തുക. ചെലവ് ഐ.എസ്.ആർ.ഒ വഹിക്കും.
മെയ് 13 മുതൽ 25 വരെ നീണ്ട് നിൽക്കുന്ന പന്ത്രണ്ട് ദിവസത്തെ ക്യാമ്പിന് മാർച്ച് 26 വരെ ഓൺലൈനിൽ അപേക്ഷിക്കാം. എട്ടാം ക്ലാസ്സിൽ 50 ശതമാനം മാർക്കോടെ വിജയിച്ച ഒമ്പതാം ക്ലാസ് വിദ്യാർത്ഥികൾക്ക് അപേക്ഷിക്കാം.മാർച്ച് 28 ന് ആദ്യ സെലക്ഷൻ ലിസ്റ്റ് പ്രസിദ്ധീകരിക്കും.
താഴെപ്പറയുന്ന കാര്യങ്ങളെ അടിസ്ഥാനമാക്കിയാണ് യുവ ശാസ്ത്രജ്ഞ പരിപാടിയിലേക്ക് അർഹരായ വിദ്യാർത്ഥികളെ തിരഞ്ഞെടുക്കുക:
- ജില്ലാ/സംസ്ഥാന കലാകായിക മത്സരങ്ങളിൽ പങ്കാളിത്തം: കായിക മത്സരങ്ങളിൽ പങ്കെടുത്ത് കഴിവ് തെളിയിച്ച വിദ്യാർത്ഥികൾക്ക് മുൻഗണന ലഭിക്കും.
- ശാസ്ത്രമേളയിൽ പങ്കാളിത്തം: ശാസ്ത്രമേളയിൽ പങ്കെടുത്ത് ഗവേഷണ പ്രാവീണ്യം തെളിയിച്ച വിദ്യാർത്ഥികൾക്ക് മുൻഗണന ലഭിക്കും.
- എൻ.സി.സി, സ്കൗട്ട്, എൻ.എസ്.എസ് എന്നിവയിൽ പങ്കാളിത്തം: ദേശീയ സേനാ പദ്ധതി, സ്കൗട്ട് & ഗൈഡ്സ്, നാഷണൽ സർവീസ് സ്കീം എന്നിവയിൽ സജീവമായി പങ്കെടുത്ത വിദ്യാർത്ഥികൾക്ക് മുൻഗണന ലഭിക്കും.
- പഞ്ചായത്ത്-ഗ്രാമീണ മേഖലകളിലെ സ്കൂളുകളിൽ പഠനം: ഗ്രാമീണ മേഖലകളിലെ സ്കൂളുകളിൽ പഠിക്കുന്ന കുട്ടികൾക്ക് പ്രത്യേക പരിഗണന നൽകും.
വിവരങ്ങൾക്കും രജിസ്റ്റർ ചെയ്യാനും : https://jigyasa.iirs.gov.in/registration സൈറ്റ് സന്ദർശിക്കുക.
Summary: Calling all budding scientists! ISRO’s Yuvika 2024 program invites class 9 students for a 12-day journey into the world of space research. Explore ISRO centers in four cities, receive research training, visit fascinating facilities, witness a rocket launch, and meet renowned scientists. We encourage applicants with strong academic records (50% in class 8), a passion for science (through participation in fairs or clubs), and diverse backgrounds, including rural areas. Apply by March 26th via https://jigyasa.iirs.gov.in/registration and ignite your passion for science and space!
