യൂണിവേഴ്‌സിറ്റി അറിയിപ്പുകൾ: 4 ഒക്ടോബർ 2024
ഒക്ടോബർ 4, 2024 -ലെ കേരളത്തിലെ വിവിധ സർവകലാശാലകളുടെ അറിയിപ്പുകൾ ഒറ്റ നോട്ടത്തിൽ.
കാലിക്കറ്റ് സർവകലാശാല
എം.എഡ്. പ്രവേശനം 2024 – 25 അലോട്ട്മെന്റ് പ്രസിദ്ധീകരിച്ചു
കാലിക്കറ്റ് സർവകലാശാലാ എഡ്യൂക്കേഷൻ പഠനവകുപ്പ്, അഫിലിയേറ്റഡ് ട്രെയിനിംഗ് കോളേജുകൾ എന്നിവിടങ്ങളിലെ 2024 – 25 അധ്യയന വർഷത്തെ എം.എഡ് പ്രോഗ്രാം അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവർ ഒക്ടോബർ ഏഴിന് വൈകീട്ട് 3 മണിക്ക് മുൻപായി മാൻഡേറ്ററി ഫീസടച്ച് സ്ഥിരപ്രവേശനം നേടണം.
മാൻഡേറ്ററി ഫീസ് : എസ്.സി./ എസ്.ടി. / ഒ.ഇ.സി. വിഭാഗക്കാർക്ക് 135/- രൂപ, മറ്റുള്ളവർക്ക് 540/- രൂപ. കമ്മ്യൂണിറ്റി, പി.ഡബ്ല്യു.ഡി. എന്നീ റാങ്ക് ലിസ്റ്റുകൾ കോളേജുകളിലേക്ക് നൽകിയിട്ടുണ്ട്.
വിദ്യാർഥികൾ കോളേജുകളുടെ നിർദ്ദേശാനുസരണം പ്രവേശനം നേടേണ്ടതാണ്. കൂടുതൽ വിവരങ്ങൾ പ്രവേശന വിഭാഗം വെബ്സൈറ്റിൽ https://admission.uoc.ac.in/. ഫോൺ 0494 2407016, 2407017, 2660600.
എം.ബി.എ പ്രവേശനം 2024 – 25 ലേറ്റ് ഫീസടച്ച് അപേക്ഷക്കാം
2024 – 2025 അധ്യയന വർഷത്തെ എം.ബി.എ. പ്രോഗ്രാമിൽ ഒഴിവുള്ള സീറ്റുകളിലെ പ്രവേശനത്തിന് ലേറ്റ് ഫീയോടുകൂടി അപേക്ഷ സമർപ്പിക്കുവാനുള്ള സൗകര്യം പ്രവേശന വിഭാഗം വെബ്സൈറ്റിൽ ഒക്ടോബർ 10-ന് വൈകീട്ട് അഞ്ചു മണി വരെ ലഭ്യമാകും.
KMAT / CMAT / CAT യോഗ്യത ഇല്ലാത്തവർക്കും ബിരുദ മാർക്കിന്റെ അടിസ്ഥാനത്തിൽ അപേക്ഷിക്കാം. പ്രവേശനം ആഗ്രഹിക്കുന്നവർ പഠനവകുപ്പ് കോളേജ് സെന്ററുകളുമായി ബന്ധപ്പെട്ട് ഒഴിവ് വിവരങ്ങൾ ഉറപ്പാക്കിയശേഷം മാത്രം അപേക്ഷ പൂർത്തിയാക്കേണ്ടതാണ്.
കൂടുതൽ വിവരങ്ങൾ പ്രവേശന വിഭാഗം വെബ്സൈറ്റിൽ https://admission.uoc.ac.in/.
പരീക്ഷ
നാലാം സെമസ്റ്റർ ( 2019 പ്രവേശനം മുതൽ ) എം.പി.എഡ്. ഏപ്രിൽ 2024 റഗുലർ | സപ്ലിമെന്ററി പരീക്ഷകൾ നവംബർ 20-ന് തുടങ്ങും. പ്രൊജക്റ്റ് റിപ്പോർട്ട് / ഡെസർട്ടേഷൻ പരീക്ഷാഭവനിൽ സമർപ്പിക്കേണ്ട അവസാന തീയതി ഡിസംബർ രണ്ട്.
പുനർമൂല്യനിർണയ ഫലം
മൂന്നാം സെമസ്റ്റർ എം.കോം. സെപ്റ്റംബർ 2023 ഒറ്റത്തവണ റഗുലർ സപ്ലിമെന്ററി, വിദൂര വിഭാഗം നാലാം സെമസ്റ്റർ എം.കോം. ഏപ്രിൽ 2024 പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.
ആറാം സെമസ്റ്റർ ബി.ആർക്. (2012, 2017 സ്കീം) ഏപ്രിൽ 2024 പരീക്ഷയുടെ പുനർമൂല്യ നിർണയ ഫലം പ്രസിദ്ധീകരിച്ചു.
കേരള സർവകലാശാല
പരീക്ഷാഫലം
കേരളസർവകലാശാല വിദൂരവിദ്യാഭ്യാസ വിഭാഗം 2024 ഏപ്രിൽ, മെയ് മാസങ്ങളിൽ നടത്തിയ ഒന്ന്, രണ്ട് സെമസ്റ്റർ ബി.എസ്സി. കമ്പ്യൂട്ടർ സയൻസ്/ബി.സി.എ. (മേഴ്സി ചാൻസ് – 2017 അഡ്മിഷൻ) പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യ നിർണ്ണയത്തിനും 2024 ഒക്ടോബർ 14 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
കേരളസർവകലാശാല 2023 സെപ്റ്റംബറിൽ നടത്തിയ എട്ടാം സെമസ്റ്റർ ബി.ടെക്. (2013 സ്കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മപരിശോധന യ്ക്കും 2024 ഒക്ടോബർ 10 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷ വിജ്ഞാപനം
കേരളസർവകലാശാലയുടെ ഒന്നാം സെമസ്റ്റർ ബി.എ. ഓണേഴ്സ് (ഇംഗ്ലീഷ് ലാംഗ്വേജ് & ലിറ്ററേച്ചർ) (ഇംപ്രൂവ്മെന്റ്/സപ്ലിമെന്ററി – 2023 അഡ്മിഷൻ, സപ്ലിമെന്ററി – 2022 അഡ്മിഷൻ) നവംബർ 2024 ഡിഗ്രി പരീക്ഷ വിജ്ഞാപനം പ്രസിദ്ധീകരിച്ചു.
പിഴകൂടാതെ 2024 ഒക്ടോബർ 09 വരെയും 150 രൂപ പിഴയോടെ ഒക്ടോബർ 14 വരെയും 400 രൂപ പിഴയോടെ ഒക്ടോബർ 16 വരെയും SLCM സോഫ്ട് വെയർ മുഖേന ഓൺലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ പരീക്ഷ പുനഃക്രമീകരിച്ചു
കേരളസർവകലാശാല 2024 ഒക്ടോബർ 08 ന് അമ്പലത്തറ നാഷണൽ കോളേജിൽ വച്ച് നടത്താനിരുന്ന നാലാം സെമസ്റ്റർ ബി.എസ്സി. ബോട്ടണി ആന്റ് ബയോടെക്നോളജി (247), ജൂലൈ 2024 പരീക്ഷയുടെ പ്രാക്ടിക്കൽ 2024 ഒക്ടോബർ 10 ലേക്ക് പുനഃക്രമീകരിച്ചിരിക്കുന്നു.
ടൈംടേബിൾ
കേരളസർവകലാശാല 2024 ആഗസ്റ്റിൽ നടത്തിയ നാലാം സെമസ്റ്റർ ബി.കോം. അക്കൗണ്ട്സ് ആന്റ് ഡാറ്റാ സയൻസ്, ബി.എസ്സി മാത്തമാറ്റിക്സ് ആന്റ് കമ്പ്യൂട്ടർ ആപ്ലിക്കേഷൻസ് ന്യൂജനറേഷൻ ഡബിൾ മെയിൻ ഡിഗ്രി പരീക്ഷയുടെ പ്രാക്ടിക്കൽ പരീക്ഷ ടൈംടേബിൾ പ്രസിദ്ധീകരിച്ചു.
എസ്.സി./എസ്.ടി ഗവേഷക വിദ്യാർത്ഥികൾക്കുള്ള സ്പെഷ്യൽ ഫിനാൻഷ്യൽ അസ്സിസ്റ്റൻസ്
എസ്.സി/എസ്.ടി (ഫുൾടൈം) ഗവേഷക വിദ്യാർത്ഥികൾക്കുള്ള സ്പെഷ്യൽ ഫിനാൻഷ്യൽ അസ്സിസ്റ്റൻസിന് (2024 2025) യോഗ്യരായ വിദ്യാർത്ഥികളിൽ നിന്നും അപേക്ഷകൾ ക്ഷണിക്കുന്നു.
അപേക്ഷകൾ സ്വീകരിക്കുന്ന അവസാന തീയതി 2024 ഒക്ടോബർ 30. അപേക്ഷാഫോറവും കൂടുതൽ വിവരങ്ങളും www.keralauniversity.ac.in എന്ന വെബ്സൈറ്റിൽ ലഭ്യമാണ്.
എം.ജി സർവകലാശാല
പരീക്ഷാഫലം
രണ്ടാം സെമസ്റ്റർ പിജിസിഎസ്എസ് മാസ്റ്റർ ഓഫ് ലൈബ്രറി ആന്റ് ഇൻഫർമേഷൻ സയൻസ് (2023 അഡ്മിഷനുകൾ റെഗുലർ, 2020 മുതൽ 2022 വരെ അഡ്മിഷനുകൾ സപ്ലിമെന്ററി ഏപ്രിൽ 2024) പരീക്ഷാ ഫലം പ്രസിദ്ധീകരിച്ചു.
പുനർമൂല്യനിർണയത്തിനും സൂക്ഷ്മ പരിശോധനയ്ക്കുമുള്ള അപേക്ഷകൾ നിശ്ചിത അടച്ച് ഒക്ടോബർ 18 വരെ സമർപ്പിക്കാം. വിശദ വിവരങ്ങൾ സർവകലാശാലാ വെബ്സൈനിൽ.
പരീക്ഷാഫീസ്
എം.ജി സർവകലാശാലയുടെ പിഎച്ച്ഡി പ്രവേശന പരീക്ഷയ്ക്ക് ഒക്ടോബർ എട്ട് വരെ അപേക്ഷ സമർപ്പിക്കാം. https://researchonline.mgu.ac.in എന്ന ലിങ്ക് മുഖേനയാണ് അപേക്ഷ സ്വീകരിക്കുന്നത്.
കണ്ണൂർ സർവകലാശാല
പുനർമൂല്യനിർണ്ണയഫലം
നാലാം സെമസ്റ്റർ എം എസ് സി കമ്പ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേർണിംഗ് (ഏപ്രിൽ 2024) പരീക്ഷകളുടെ പുനർമൂല്യ നിർണ്ണയ ഫലം സർവകലാശാല വെബ്സൈറ്റിൽ ലഭ്യമാണ്.
Follow our WhatsApp Channel for instant updates: Join Here
