അഫ്‌സൽ-ഉൽ-ഉലമ (പ്രിലിമിനറി) 2024: ഒന്നാമത്തെ അലോട്ട്മെന്റ് പ്രസിദ്ധീകരിച്ചു.
2024-25 വർഷത്തേക്കുള്ള അഫ്‌സൽ-ഉൽ-ഉലമ (പ്രിലിമിനറി) പ്രവേശനത്തിൻ്റെ ഒന്നാമത്തെ അലോട്ട്മെന്റ് പ്രസിദ്ധീകരിച്ചു. അലോട്ട്മെൻ്റ് ലഭിച്ചവർ ജൂലൈ 11-ന് 4 മണിക്ക് മുൻപായി മാൻഡേറ്ററി ഫീസ് അടയ്ക്കേണ്ടതാണ്.
എസ്.സി. / എസ്.ടി. / ഒ.ഇ.സി./ഒ.ഇ.സിക്ക് തത്തുല്യമായ വിദ്യാഭ്യാസ ആനുകൂല്യം ലഭിക്കുന്ന ഇതര 30 സമുദായങ്ങളിലെ വിദ്യാർഥികൾക്ക് : 135/- രൂപയും മറ്റുള്ളവർക്ക് : 540/- രൂപയുമാണ് മാൻഡേറ്ററി ഫീസ്.
അലോട്ട്മെന്റ് ലഭിച്ച് നിർദ്ദിഷ്ട സമയപരിധിക്കുള്ളിൽ മാൻഡേറ്ററി ഫീസ് അടയ്ക്കാത്തവർക്ക് നിലവിൽ ലഭിച്ച അലോട്ട്മെൻ്റ് നഷ്ടമാവുന്നതും തുടർന്നുളള അലോട്ട്മെന്റ് പ്രക്രിയയിൽ നിന്നും പുറത്താകുന്നതുമാണ്.
ഒന്നാമത്തെ ഓപ്ഷൻ ലഭിച്ചവരും ലഭിച്ച ഓപ്ഷനിൽ തൃപ്‌തരായി ഹയർ ഓപ്ഷൻ ക്യാൻസൽ ചെയ്യുന്നവരും അഡ്‌മിറ്റ് കാർഡ് ഡൗൺലോഡ് ചെയ്‌ത്‌ സ്ഥിര പ്രവേശനം നേടേണ്ടതാണ്. ലഭിച്ച ഓപ്ഷനിൽ തൃപ്‌തരായവർ ഹയർ ഓപ്ഷനുകൾക്ക് പരിഗണിക്കേണ്ടതില്ലെങ്കിൽ നിർബന്ധമായും ഹയർ ഓപ്ഷൻ റദ്ദാക്കേണ്ടതാണ്.
ഹയർ ഓപ്ഷനുകൾ നിലനിർത്തുന്ന പക്ഷം പ്രസ്തുത ഹയർ ഓപ്ഷനുകളിൽ ഏതെങ്കിലും ഒന്നിലേക്ക് തുടർന്ന് അലോട്ട്മെൻ്റ് ലഭിച്ചാൽ ആയത് നിർബന്ധമായും സ്വീകരിക്കണം. ഇതോടെ മുമ്പ് ലഭിച്ചിരുന്ന അലോട്ട്മെൻ്റ് നഷ്‌ടപ്പെടുന്നതും അത് യാതൊരു കാരണവശാലും പുനഃസ്ഥാപിച്ചു നൽകുന്നതുമല്ല.
ഹയർ ഓപ്ഷൻ റദ്ദ് ചെയ്യുന്നവർ നിർബന്ധമായും പുതുക്കിയ അപേക്ഷയുടെ പ്രിന്റൗട്ട് എടുത്ത് സൂക്ഷിക്കേണ്ടതാണ്. രണ്ടാം അലോട്ട്മെന്റ്റ് ജൂലൈ 15-ന് പ്രസിദ്ധീകരിക്കും.
Summary: The first allotment of Afzal-ul-Ulama (Preliminary) admission for the year 2024-25 has been published. Allotment holders have to pay the mandatory fee before 4 pm on July 11.
Follow our WhatsApp Channel for instant updates: Join EduPortal Group
