IHRD -യിൽ പ്ലസ് വൺ പ്രവേശനം: അപേക്ഷ മെയ് 28 വരെ
ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്സസ് ഡെവലപ്മെന്റിന്റെ (IHRD) നിയന്ത്രണത്തിലുള്ള ടെക്നിക്കൽ ഹയർ സെക്കന്ററി സ്കൂളുകളിൽ 2024-25 അദ്ധ്യയനവർഷത്തിൽ 11-ാം സ്റ്റാന്റേർഡ് പ്രവേശനത്തിനായി അപേക്ഷ ക്ഷണിക്കുന്നു. thss.ihrd.ac.in വെബ്സൈറ്റ് മുഖേന ഓൺലൈൻ ആയും അതാത് സ്കൂളുകളിൽ നേരിട്ടെത്തി ഓഫ്‌ലൈനായും അപേക്ഷ സമർപ്പിക്കാവുന്നതാണ്. ഓൺലൈൻ മുഖേന അപേക്ഷകൾ സ്വീകരിക്കുന്ന അവസാന തീയതി 28.05.2024, 5 PM ആണ്.
രജിസ്ട്രേഷൻ ഫീസായ 110 രൂപ (എസ്.സി/എസ്.റ്റി വിദ്യാർത്ഥികൾക്ക് 55 രൂപ) ഓൺലൈനായി അതാത് സ്കൂളുകളുടെ ബാങ്ക് അക്കൗണ്ട് മുഖേനയും സ്കൂൾ ക്യാഷ് കൗണ്ടറിൽ നേരിട്ടും അടയ്ക്കാവുന്നതാണ്. ഓൺലൈനായി അപേക്ഷിക്കുന്നവർക്കു രജിസ്ട്രേഷൻ ഫീസ് അടച്ചതിന് ശേഷം രജിസ്ട്രഷൻ ഫീസ് അടച്ചതിന്റെ വിശദവിവരങ്ങൾ https://ihrd.ac.in/ എന്ന ഓൺലൈൻ ലിങ്കിൽ നല്കേണ്ടതാണ്.
ഓഫ് ലൈനായി അപേക്ഷിക്കുന്നവർ അപേക്ഷയും അനുബന്ധരേഖകളും രജിസ്ട്രേഷൻ ഫീസും സഹിതം (രജിസ്ട്രേഷൻ ഫീസ് അതാത് പ്രിൻസിപ്പാൾ മാരുടെ പേരിലെടുത്ത ഡിമാന്റ് ഡ്രാഫ്റ്റായും സ്കൂൾ ക്യാഷ് കൗണ്ടറിലും അടയ്ക്കാവുന്നതാണ്) 28.05.2024 ന് വൈകുന്നേരം 4 മണിക്ക് മുമ്പായി ബന്ധപ്പെട്ട സ്കൂളുകളിൽ സമർപ്പിക്കേണ്ടതാണ്.
ഐ.എച്ച്.ആർ.ഡി. യുടെ കീഴിൽ സംസ്ഥാനത്ത് പ്രവർത്തിക്കുന്ന സ്ഥാപനങ്ങൾ:
- മുട്ടട (തിരുവനന്തപുരം, 0471-2543888,8547006804),
- അടൂർ (പത്തനംതിട്ട, 04734-224078, 8547005020),
- ചേർത്തല, (ആലപ്പുഴ, 0478-2552828,8547005030),
- മല്ലപ്പള്ളി, (പത്തനംതിട്ട, 0469-2680574, 8547005010),
- പുതുപ്പള്ളി (കോട്ടയം, 0481-2351485, 8547005013),
- പീരുമേട് (ഇടുക്കി, 04869-233982, 8547005011/9446849600),
- മുട്ടം (തൊടുപുഴ, 0486-2255755, 8547005014),
- കലൂർ (എറണാകുളം, 0484-2347132, 8547005008),
- കപ്രാശ്ശേരി (എറണാകുളം, 0484-2604116, 8547005015),
- ആലുവ (എറണാകുളം, 0484-2623573, 8547005028),
- വരടിയം (തൃശൂർ, 0487-2214773, 8547005022),
- വാഴക്കാട് (മലപ്പുറം, 0483-2725215, 8547005009),
- വട്ടംകുളം (മലപ്പുറം 0494-2681498, 8547005012),
- പെരിന്തൽമണ്ണ (മലപ്പുറം, 04933-225086, 8547021210),
- തിരുത്തിയാട് (കോഴിക്കോട്, 0495-2721070,8547005031)
എന്നിവിടങ്ങളിലാണ് ടെക്നിക്കൽ ഹയർ സെക്കന്ററി സ്കൂളുകൾ നിലവിലുള്ളത്. അപേക്ഷ സമർപ്പിക്കുന്നതിനുള്ള ലിങ്ക് ഐ.എച്ച്.ആർ.ഡിയുടെ വെബ്സൈറ്റ് ആയ https://ihrd.ac.in/ ലും ലഭ്യമാണ്. വിശദവിവരങ്ങൾക്ക് email: itdihrd@gmail.com.
Summary: Applications for 11th standard admission in Technical Higher Secondary Schools under the Institute of Human Resources Development are open for 2024-25. Apply online via thss.ihrd.ac.in or offline at respective schools by 28.05.2024. The registration fee is Rs. 110 (Rs. 55 for SC/ST), payable online or at the school cash counter. Online applicants must submit payment details at https://ihrd.ac.in/. Offline applications, along with documents and fee (via demand draft to the respective Principals or cash), must be submitted by 28.05.2024, 4 PM.
#IHRD #IHRDadmissionstarted #ihrdplusone #ihrdplusoneadmission #ihrd2024
