സ്കോൾ-കേരളയുടെ 2025-27 അധ്യയന വർഷത്തേക്കുള്ള പ്ലസ് വൺ പ്രവേശനത്തിന് അപേക്ഷ ക്ഷണിച്ചു. ഓപ്പൺ റെഗുലർ, പ്രൈവറ്റ് രജിസ്‌ട്രേഷൻ, സ്പെഷ്യൽ കാറ്റഗറി (പാർട്ട് III) എന്നീ വിഭാഗങ്ങളിലാണ് പ്രവേശനം. എസ്.എസ്.എൽ.സി അല്ലെങ്കിൽ സർക്കാർ അംഗീകൃത തത്തുല്യ കോഴ്‌സുകളിൽ ഉപരിപഠന യോഗ്യത നേടിയവർക്ക് അപേക്ഷിക്കാവുന്നതാണ്. പ്രായപരിധിയില്ല.

പ്രധാന തീയതികൾ

ഓൺലൈൻ രജിസ്‌ട്രേഷൻ ആരംഭം: ജൂലൈ 25.

പിഴ കൂടാതെ അപേക്ഷിക്കാനുള്ള അവസാന തീയതി: ആഗസ്റ്റ് 16.

60 രൂപ പിഴയോടെ അപേക്ഷിക്കാനുള്ള അവസാന തീയതി: ആഗസ്റ്റ് 25.

അപേക്ഷ സമർപ്പണം

അപേക്ഷകർ www.scolekerala.org എന്ന വെബ്സൈറ്റ് വഴി ഓൺലൈനായി രജിസ്റ്റർ ചെയ്യണം. ഫീസ് വിവരങ്ങളും രജിസ്ട്രേഷൻ മാർഗ്ഗനിർദ്ദേശങ്ങളും പ്രോസ്പെക്ടസും വെബ്സൈറ്റിൽ ലഭ്യമാണ്. ഓൺലൈൻ രജിസ്ട്രേഷൻ പൂർത്തിയാക്കിയ ശേഷം, രണ്ട് ദിവസത്തിനകം ആവശ്യമായ രേഖകൾ സഹിതമുള്ള അപേക്ഷ അതത് ജില്ലാ കേന്ദ്രങ്ങളിൽ നേരിട്ടോ സ്പീഡ്/രജിസ്റ്റേർഡ് തപാൽ വഴിയോ അയക്കേണ്ടതാണ്. സംസ്ഥാന ഓഫീസിൽ അപേക്ഷകൾ സ്വീകരിക്കുന്നതല്ല. ജില്ലാ കേന്ദ്രങ്ങളുടെ വിലാസം സ്കോൾ-കേരള വെബ്സൈറ്റിൽ ലഭ്യമാണ്.

കൂടുതൽ വിവരങ്ങൾക്കായി 2342950, 2342271, 2342369 എന്നീ നമ്പറുകളിൽ ബന്ധപ്പെടാവുന്നതാണ്.

Summary:

Skol-Kerala has invited applications for Plus One admissions for the 2025-27 batch under Open Regular, Private Registration, and Special Category (Part III). Eligibility includes SSLC or equivalent, with no upper age limit. Online registration begins on July 25. The deadline for applications without a fine is August 16, and with a fine of Rs. 60, it is August 25. Applicants must register online via www.scolekerala.org and submit supporting documents to their respective district centers within two days. State office will not accept applications. Contact numbers for more information are 2342950, 2342271, 2342369.