ശ്രീ ശങ്കരാചാര്യ സംസ്‌കൃത സർവകലാശാലയുടെ കാലടി മുഖ്യ കേന്ദ്രത്തിലും വിവിധ പ്രാദേശിക കേന്ദ്രങ്ങളിലുമുള്ള 2025-2026 അധ്യയന വർഷത്തേക്കുള്ള നാല് വർഷ ബിരുദ പ്രോഗ്രാമുകളിലേക്ക് (FYUGP) യോഗ്യരായ വിദ്യാർത്ഥികളിൽ നിന്ന് അപേക്ഷ ക്ഷണിച്ചു.

പ്രധാന ബിരുദ പ്രോഗ്രാമുകൾ

സംസ്കൃതം-സാഹിത്യം, സംസ്കൃതം വേദാന്തം, സംസ്‌കൃതം – വ്യാകരണം, സംസ്കൃതം ന്യായം, സംസ്കൃതം – ജനറൽ, സംഗീതം, നൃത്തം – ഭരതനാട്യം, നൃത്തം – മോഹിനിയാട്ടം, ഇംഗ്ലീഷ്, മലയാളം, ഹിന്ദി, ഹിസ്റ്ററി, ഉറുദു, ഫിലോസഫി, സോഷ്യൽ വർക്ക് (BSW) എന്നിവ FYUGP രീതിയിലായിരിക്കും നടപ്പിലാക്കുക. ഈ വിഷയങ്ങളിലും അറബിക്കിലും മൈനർ പ്രോഗ്രാമുകളും വിദ്യാർത്ഥികൾക്ക് തിരഞ്ഞെടുക്കാൻ സാധിക്കും.

FYUGP: മൂന്ന് ഓപ്ഷനുകൾ

FYUGP സമ്പ്രദായത്തിൽ പ്രോഗ്രാം പൂർത്തിയാക്കാൻ വിദ്യാർത്ഥികൾക്ക് മൂന്ന് ഓപ്ഷനുകൾ ലഭ്യമാണ്:

മൂന്ന് വർഷ ബിരുദം (3 year BA): മൂന്നാം വർഷം പ്രോഗ്രാം പൂർത്തിയാക്കാൻ ആഗ്രഹിക്കുന്ന വിദ്യാർത്ഥികൾക്ക് എക്സിറ്റ് ഓപ്ഷൻ ഉപയോഗിച്ച് മേജർ വിഷയങ്ങളുടെ അടിസ്ഥാനത്തിൽ 3 വർഷ ബിരുദം നേടാം.

നാല് വർഷ ബിരുദം (ഓണേഴ്‌സ്) (4 year BA Honours): നാല് വർഷം വിജയകരമായി പൂർത്തിയാക്കുന്ന വിദ്യാർത്ഥികൾക്ക് ഓണേഴ്‌സ് ബിരുദം ലഭിക്കും.

നാല് വർഷ ബിരുദം ഓണേഴ്‌സ് വിത്ത് റിസർച്ച് (4 year BA Honours with research): നാലാം വർഷം നിശ്ചിത ക്രെഡിറ്റോടുകൂടി ഗവേഷണ പ്രോജക്റ്റ് വിജയകരമായി പൂർത്തിയാക്കുന്ന വിദ്യാർത്ഥികൾക്ക് ഓണേഴ്‌സ് വിത്ത് റിസർച്ച് ബിരുദം ലഭിക്കുന്നതാണ്.

ക്യാമ്പസുകളും കോഴ്സുകളും

മുഖ്യ ക്യാമ്പസായ കാലടിയിൽ സംസ്കൃതം സാഹിത്യം, സംസ്കൃതം വേദാന്തം, സംസ്കൃതം ന്യായം, സംസ്കൃതം ജനറൽ, ഇംഗ്ലീഷ്, മലയാളം, ഹിന്ദി, ഹിസ്റ്ററി, ഫിലോസഫി, സോഷ്യൽ വർക്ക് (ബി.എസ്.ഡബ്ല്യു.), സംഗീതം, നൃത്തം-ഭരതനാട്യം, നൃത്തം-മോഹിനിയാട്ടം എന്നീ വിഭാഗങ്ങളിൽ നാലു വർഷ ബിരുദ പ്രോഗ്രാമുകളിലേക്ക് പ്രവേശനം നൽകുന്നു.

സർവകലാശാലയുടെ പ്രാദേശിക കേന്ദ്രങ്ങളായ തിരുവനന്തപുരം (സംസ്കൃതം ന്യായം, ഫിലോസഫി, സംസ്കൃതം വേദാന്തം), പന്മന (സംസ്കൃതം വേദാന്തം, മലയാളം), കൊയിലാണ്ടി (സംസ്കൃതം സാഹിത്യം, സംസ്കൃതം വേദാന്തം, സംസ്കൃതം ജനറൽ, ഹിന്ദി, ഉറുദു), തിരൂർ (സംസ്കൃതം വ്യാകരണം, ഹിസ്റ്ററി, സോഷ്യൽ വർക്ക്- BSW), പയ്യന്നൂർ (സംസ്കൃതം സാഹിത്യം, മലയാളം, സോഷ്യൽ വർക്ക്- BSW), ഏറ്റുമാനൂർ (സംസ്കൃതം സാഹിത്യം, ഹിന്ദി) എന്നിവിടങ്ങളിലും ബിരുദ വിഷയങ്ങളിൽ പ്രവേശനം നടത്തുന്നതാണ്.

സ്കോളർഷിപ്പ് വിവരങ്ങൾ

സംസ്കൃത വിഷയങ്ങളിൽ ബിരുദ പഠനത്തിന് (മേജർ) പ്രവേശനം നേടുന്ന മുഴുവൻ വിദ്യാർത്ഥികൾക്കും പ്രതിമാസം 500/- രൂപ വീതം സ്കോളർഷിപ്പ് നൽകുന്നുണ്ട്.

പ്രവേശന മാനദണ്ഡങ്ങൾ

നൃത്തം-ഭരതനാട്യം, നൃത്തം-മോഹിനിയാട്ടം, സംഗീതം എന്നിവ മുഖ്യ വിഷയമായ പ്രോഗ്രാമുകൾക്ക് അഭിരുചി നിർണ്ണയ പരീക്ഷയുടെ അടിസ്ഥാനത്തിലായിരിക്കും പ്രവേശനം.

പ്ലസ് ടു/വൊക്കേഷണൽ ഹയർ സെക്കൻ്ററി അഥവാ തത്തുല്യ യോഗ്യതയുള്ളവർക്ക് അപേക്ഷിക്കാം. നാലു വർഷ ബിരുദ പ്രോഗ്രാമുകൾക്ക് ലാറ്ററൽ എൻട്രി അനുവദനീയമാണ്.

അപേക്ഷാ ഫീസ്

അപേക്ഷാ ഫീസ് ജനറൽ/SEBC അപേക്ഷകർക്ക് 50/- രൂപയും (ഓരോ കേന്ദ്രത്തിലെ ഓരോ പ്രോഗ്രാമിനും) SC/ST വിദ്യാർത്ഥികൾക്ക് 25/- രൂപയുമാണ് (ഓരോ കേന്ദ്രത്തിലെ ഓരോ പ്രോഗ്രാമിനും).

അപേക്ഷ സമർപ്പിക്കേണ്ട രീതി

താല്പര്യമുള്ള വിദ്യാർത്ഥികൾ സർവകലാശാലയുടെ വെബ്സൈറ്റ് (www.ssus.ac.in) മുഖേന ഓൺലൈനായി അപേക്ഷ സമർപ്പിക്കേണ്ടതാണ്. പ്രോസ്പെക്ടസും ഇതേ വെബ്സൈറ്റിൽ ലഭ്യമാകും. അപേക്ഷകൾ ഓൺലൈനായി സമർപ്പിക്കേണ്ട അവസാന തീയതി 2025 ജൂൺ 8 ആണ്. അപേക്ഷകളുടെ ഹാർഡ് കോപ്പി സർവകലാശാലയ്ക്ക് അയക്കേണ്ടതില്ല.

Summary:

The Sree Sankaracharya University of Sanskrit, Kalady, has invited applications for its four-year undergraduate programs (FYUGP) for the 2025-26 academic year. Courses include various Sanskrit specializations, Music, Dance, English, Malayalam, Hindi, History, Philosophy, and Social Work.

Students have options for a 3-year BA, 4-year BA Honours, or 4-year BA Honours with Research. Scholarships of ₹500/- per month are offered for Sanskrit major students. Admission for performing arts courses will be based on an aptitude test. The application deadline is June 8, 2025.